”Præsten i Bygda vor” Soknepresten som seksuell overgripar vurdert utifrå tradisjon og rettsmateriale

Ein soknepresten i Agder bispedømme vart i 1996 suspendert frå stillinga si på grunn av seksuelle overgrep mot ei 14 år gamal jente. Overgrepa skjedde medan den mindreårige jenta gjekk hjå presten til konfirmantførebuing, men også etter at ho var lagd inn på sjukehus, fortel rettsdokumenta. Dåverande biskop i Agder bispedøme engasjerte seg i saka på ein måte som folk oppfatta som klart forsvar for overgriparen. Biskopen arbeidde bl.a. for at soknepresten berre mellombels skulle ut av prestetenesta, ikkje frådømast ”kappe og krage”. Lokalmiljøet reagerte sterkt på saka, også utifrå biskopen sitt engasjement for presten. Dette vart m.a. kommentert slik: ”Det er ikkje første gonga soknebarna har opplevd ein prest som gjer seg skuld i seksuelle overgrep, men då jaga folk han ut av bygda. Det nye denne gonga er at bispen går i mellom og beskyttar presten”. Forteljingane om den seksuelt aktive presten er talrike i norsk tradisjon, både kva gjeld hor og incest. Med utgangspunkt i nemnde sak frå Agder i 1990-åra, vil eg undersøkje kva historiske forhold som ligg gøymde i den munnlege tradisjonen. Studiet vil byggje på tradisjonsstoff og rettsmateriale.