Cristin-prosjekt-ID: 453039
Sist endret: 1. desember 2014, 11:42

Cristin-prosjekt-ID: 453039
Sist endret: 1. desember 2014, 11:42
Prosjekt

Samhandling, innovasjon og styring i offentleg sektor (SISOS)

prosjektleder

Oddbjørn Bukve
ved Institutt for samfunnsvitskap ved Høgskulen på Vestlandet

prosjekteier / koordinerende forskningsansvarlig enhet

  • Institutt for samfunnsvitskap ved Høgskulen på Vestlandet

Finansiering

  • TotalbudsjettNOK 1.036.000
  • Høgskulen i Sogn og Fjordane
    Prosjektkode: 86110

Klassifisering

Vitenskapsdisipliner

Samfunnsvitenskap • Statsvitenskap og organisasjonsteori

Kategorier

Prosjektkategori

  • Internt prosjekt

Kontaktinformasjon

Telefon
48054368
Sted
Oddbjørn Bukve

Tidsramme

Avsluttet
Start: 1. august 2013 Slutt: 31. juli 2017

Beskrivelse Beskrivelse

Tittel

Samhandling, innovasjon og styring i offentleg sektor (SISOS)

Vitenskapelig sammendrag

SISOS er eit av fem strategiske forskingsprogram ved HiSF i perioden 2013-17. Programmet er forankra i Institutt for samfunnsvitskap, men samlar forskarar på tvers av institutt og avdelingar ved HiSF i tillegg til at vi samarbeider med forskarar ved andre institusjonar.

Eit overordna mål med programmet er å forstå betre korleis aktørane i offentleg sektor kan handtere utfordringar knytte til samhandling i komplekse system. Dette er relevant fordi mange offentlege ytingar blir leverte gjennom fleirnivåsystem, der det er naudsynt å samarbeide på tvers av organisasjonsgrenser. I slike tilfelle må aktørane takle utfordringar knytt til felles mål, gjensidig tillit, kulturskilnader, skilnader i kunnskap og informasjon og spørsmålet om kven som har ansvar for kva overfor kven (Vangen & Huxham, 2010). Dei potensielle samhandlingsfordelane kan ein først ta ut for fullt dersom ein handterer desse utfordringane. Dermed blir det viktig å forstå korleis utfordringane knytte til samhandling kan handterast.

Eit anna hovudmål er å bidra til forståinga av samspelet mellom sentral styring og lokalt fornyings- og forbetringsarbeid i tenestesektorane. Særleg ønskjer vi å studere samspelet mellom sentrale og lokale forvaltningsorgan i situasjonar der vertikale og hierarkiske styringsmekanismar er sentrale. Tilsyn og prestasjonsmålingar er typiske døme. Vi vil vere opptekne av kva ein kan måle gjennom slike ordningar, men enno meir i kva grad målingane har verknad på dei som blir målte.

Forsking på slike tema har stor samfunnsrelevans. Det syner seg ved at to av dei fem hovudmåla for norsk forsking som er nemnde i den nye forskingsmeldinga (”bedre helse og helsetjenester” og ”forskingsbasert velferdspolitikk og profesjonsutøvelse i velferdssektorene”), kan dra nytte av slik forsking som SISOS-gruppa ønskjer å gjere.

Empirisk skal forskinga i gruppa vere innretta mot reformer, fornyingsarbeid og nye styringsformer med relevans for dei store profesjonssektorane helse, velferd og utdanning. Døme kan vere at ein studerer organisatoriske reformer som samhandlingsreforma, kunnskapsløftet og regionreforma, eller nye styringsformer som veksten i tilsynsorgan, kvalitetssystem, rapporteringsordningar,  prestasjonsmålingar og evalueringar.

Analytisk vil vi legge vekta på to slags konsekvensar av dei nye organisasjonsformene. Vi vil på den eine sida studere første ordens konsekvensar i form av korleis endringane påverkar kvalitet, effektivitet og fokus i tenesteproduksjonen. Men vi vil også studere det vi kan kalle andre ordens konsekvensar, korleis endringane i styrings- og organisasjonsformer har konsekvensar for organisasjonane sjølve. I kva grad blir etablerte idear, diskursar og  praksisar endra? Blir dei avløyste av nye dominerande diskursar og praksisar? Oppstår det interne konfliktar, motsetningar og tvitydnad? I kva grad blir reformene omforma og endra i møtet med dei organisasjonane som skal setje dei i verk?  Spesielt vil vi vere opptekne av tilhøvet mellom hierarkiske styringslogikkar, lokalt handlingsrom og samhandling i endringsprosessane. Gjennom å studere korleis reformer og endringar påverkar organisasjonane sjølve, vil vi kunne avdekke den interne dynamikken i forvaltningssystemet og dermed kunne seie noko om sannsynlege utviklingstrekk. Teoretisk vil vi knyte opp mot ny-institusjonell translasjonsteori, teori om institusjonelle logikkar, strategisk-kontekstuell teori, diskursteori og teori om forbetrings- og utviklingsarbeid i organisasjonar.

prosjektdeltakere

prosjektleder
Inaktiv cristin-person

Oddbjørn Bukve

  • Tilknyttet:
    Prosjektleder
    ved Institutt for samfunnsvitskap ved Høgskulen på Vestlandet
1 - 1 av 1