Målet med forskingsprosjektet «Språktileigning og dialektal språksosialisering blant barnehagebarn i Bergen» er å finne moglege forklaringar på korleis barn som veks opp i eit heterogent språksamfunn (som Bergen) med mykje variert språkbruk (både ulike språk og ulike dialektar) i innputten, likevel tileignar seg den lokale dialekten.
Prosjektet er eit sjølvstendig delprosjekt av det overordna prosjektet Språkleg praksis i ein fleirkulturell barnehage (leiar: Magnhild Selås, UiB). I dette prosjektet er måla å undersøke korleis språket brukast i ein fleirkulturell barnehage med mange minoritetsspråklige barn, og korleis det eventuelt endrar seg etter eit politisk vedtak om ei maksimumsgrense på 70 % minoritetsspråklege. Netelands bidrag i dette prosjektet er å samle inn og analysere samanliknbare data frå ein barnehage med eit gjennomsnittleg tal på minoritetsspråklege barn.