Mange bebuarar i sjukeheim kvittar seg med urin og avføring i bleier i staden for på toalettet. Me har undersøkt om utforminga av baderom i sjukeheimar gjorde det vanskeleg for bebuar å bruke toalettet. Studien er basert på bilete, teikningar og data om baderom i 20 norske sjukeheimar. Bachelorstudentar i sjukepleie ved Høgskolen i Bergen gjennomførte kartlegginga i samarbeid med prosjektleiar. Studien blei gjennomført våren 2014 og var finansiert av Høgskolen i Bergen.