Prosjektet vil ha som hovudmål å få erfaring og innblikk i korleis ein kan legge til rette for læring og utvikling for praksislærarar, via digitale medier, på deira eigen arbeidsplass. Utdanning av rettleiarar er aktualisert gjennom krav til at alle praksislærarar skal ha formell rettleiarutdanning på minst 15 stp. Dette prosjektet vil utforske nye vegar for tilrettelegging for læring og utvikling for praksislærarar, tilpassa deira føresetnader og behov. Prosjektet søkjer å utforske gode praksisar for utdanninga av praksislærarar der teoretiske og praktiske element er ivaretatt på ein god måte og der utdanninga støttar praksislærarane sitt oppdrag i utdanninga og deira eigne profesjonelle rolle som praksislærarar.