Rekkeviddeverifisering i protonterapi

Protonterapi er ein presis type strålebehandling som skal etablerast i Bergen innan få år. Presisjonen er likevel avhengig av fleire faktorar. Ein av desse er usikkerheten i rekkevidda til protonstrålen, altså kor langt strålen når inn i pasienten. Denne studien har som mål å teste ut ein metode for overvaking av protonrekkevidda under behandling. Studien skal nytte tidlegare innsamla og anonymiserte CT-bilder av pasientar og gjennom datasimuleringar på dette bildematerialet vurdere grunnlaget for å etablere ein slik metorde. Reint teknisk ønsker ein ved hjelp av bildematerialet å simulere sekundærpartikler (nøytron) som blir produsert under behandling og korrelere produksjonen av desse til rekkevidda til behandlingsstrålen. Det overordna målet med prosjektet er å utvikle ein metode som kan auke presisjonen i protonterapi. Dette vil kunne opne for protonbehandling av nye pasientgrupper og metoden vil kunne føre til redusert bestråling av friskt vev for alle pasientgrupper.