Prosjektet Vilkår for nynorsk blant ungdom har som mål å få auka innsikt i det språklege spelerommet til unge nynorskbrukarar, og er samansett av ein granskingsdel, prosjektutviklingsdel og ein vitskapleg konferanse. Prosjektet er strategisk forankra i Nettverk for nynorskforsking i UH-nett Vest, og inkluderer forskarar frå UiB, Høgskulen i Volda, NLA og Høgskulen på Vestlandet (studiestadene Sogndal, Stord og Bergen).
