Etisk refleksjon i situasjonar med ubehageleg åtferd i sjukeheim

Eldre i sjukeheim er skrøpelegare enn tidlegare, og fleire eldre døyr i sjukeheim. Bebuarar kan ha utfordrande åtferd som kan vere krevjande for pleiarane. Ubehageleg eller repeterende åtferd krev tolmod, og i ein travel kvardag kan det oppstå situasjonar der ein får behov for etisk refleksjon. Løgstrup sin situasjonsetikk er nettopp forankra i situasjonar og difor ein god reiskap for etisk refleksjon. I ettertankens samtale kan pleiarane arbeide med situasjonen dei har vore i, diskutere kva som skjedde , og slik verte førebudd til framtidige situasjonar.