NLÅ er ein vitskapleg antologi utgitt av Det norske samlaget med støtte frå Norsk kulturfond. Antologien er sett saman av nokre artiklar som tek for seg tendensar i litteraturfeltet i året som har vore og litteraturvitskaplege artiklar av meir omfattande karakter. Dei vitskaplege artiklane vert fagfellevurderte. Antologien har vore gitt ut sidan 1966. Redaktøransvaret er gitt til ein eler fleire vitskapleg tilsette frå ein høgare utdanningsinstitusjon. Antologien er ein publiseringskanal på nivå 1 i registeret for autoriserte publiseringskanalar.