Populærvitenskapelig sammendrag
Hidradenitis suppurativa (HS) er ein relativt vanleg kronisk hudsjukdom karakterisert ved tilbakevendande smertefulle knutar og byllar til lysker og armholer. I alvorlege tilfelle kan det oppstå store forandringar med arrvev og fistelgangar, og dette kan ha stor innverknad på livskvalitet. Vi har dessverre lite kunnskap om kva som er årsaken til denne tilstanden. Dei siste åra har ein derimot fått meir innsikt i kva type betennelsereaksjon som oppstår, noko som har ført til nye behandlingsmetodar med immundempande medisinar. I tillegg har det blitt påvist genmutasjonar hos enkelte pasientar med arveleg HS som kan tyde på at tilstanden kan vere forårsaka av redusert funksjon av eit viktig signalsystem som heiter Notch. I dette prosjektet vil vi bruke vevsprøver fra HS-pasientar og friske kontrollar frå ein allereie etablert biobank. Vi vil ved bruk av avanserte teknikkar anvende prøvene til å studere både signalsystemet Notch og den generelle betennelsereaksjonen i ulike celletypar.
Vis fullstendig beskrivelse