Samfunnsfag i dei nye femårige grunnskulelærarutdanningane. Vekst med fåre for bortrasjonalisering

Føredraget diskuterte om dei nye femårige grunnskulelærarutdanningane har ført med seg ei overetablering av mastertilbod i høve til dei faktiske studenttala og om dette kunne eller ville føra til bortrasjonalisering av fagtilbod. Føredraget bygde på data om planlagde og faktiske oppstartstal, om mastertilbod ved institusjonane, det ein kjenner til av mynster i fagval og det som finst av statistiske data på fråfall - samt det ein kjenner til av andre faktorar som påverkar institusjonelle prioriteringar. Føredraget konkluderte med at det var ein klår tendens til overetablering, særleg på GLU 1-7 og at dette høgst sannsynleg vil leia til "intern kannibalisme" og bortrasjonalisering - som ogso kan setja fleire samfunnsfaglege tilbod i fåre. Presentasjonen vart halde på ein sesjon organisert av fyrsteamanuensis Roar Madsen og professor Jakob Maliks NTNU-ILU.