Utvida rådgjevarteneste - presentasjon av eit forskingsprosjekt på forsterka tverrfagleg samarbeid i rådgjevartenesta i vidaregåande.

Metode; Mixed method og sekvensielt design. Høgskulen i Volda har bidrege med ei kvantitativ spørjeundersøking blant alle elevane på ein vidaregåande skule, svarprosent ca 82%. Elevane understrekar verdien av å føle seg sett, høyrt og forstått/respektert. Det er viktig å ha nokon lett tilgjengeleg i skulekvardagen som kan anten formidle hjelp eller tilby hjelp direkte. Svara frå elevane tyder på at det er viktig både med emosjonell og instrumentell/fagleg støtte. Det vart også gjennomført ei kvalitativ metode ved bruk av fokusgruppe intervju med lærarane. Her kjem det fram fire sentrale moment som er viktige for at tverrfagleg samarbeid skal fungere; interesse, informasjonsflyt, involvering og integrasjon.