Erfaringar med bruk av batymetrisk LiDAR for modellering av vassdrag

Å skaffe til veie ein nøyaktig batymetri (djup og botnforhold) for elver og innsjøar er viktig for fleire ulike samfunnsføremål. Eksempel på kvar slik informasjon er viktig er til dømes vurderingar knytt til erosjon og flaum, kvikkleire, naturmangfald, samferdsel, og miljøtilhøve i regulerte vassdrag. Informasjon om djup og batymetri er viktig både ved planlegging av ulike tiltak og overvaking over tid av vassdrag og innsjøar. Det finst fleire ulike måtar å hente inn slik informasjon. Tradisjonelt vert dette gjort ved hjelp av totalstasjonar og GPS, eller fleirstråle ekkolodd frå båt. Felles for alle metodane er at dei kanskje ikkje passar til ulike typar av elver og at det kan krevje stor innsats og tidsbruk for å få gode og dekkande datasett. Bruk av batymetrisk LiDAR er ein teknologi der overflata av jorda vert skanna med grøn laser frå fly. Til skilnad frå dei meir vanlege topografiske LiDAR instrumenta har dei batymetriske instrumenta kapasitet til å trenge gjennom vassflata og dermed samle data under vatn. Dette kan difor vere ein svært effektiv måte å samle inn data om batymetri på, og gi svært detaljerte data. Her vil vi sjå på datakvalitet, kor vidt korreksjonar er naudsynte og prosessen med å utnytte slike data i hydrauliske analyser. Dette vil verte illustrert med eksempel frå fleire ulike prosjekt der vi har brukt LiDAR batymetri i samband med hydraulisk modellering