Boka har bølgjeenergien i hava og den teknologiske utviklinga av bølgjekraftverk til emne. Innleiingskapitlet gir eit oversyn som også ikkje-teknisk-utdanna personar lett kan lesa. Deretter følgjer tre kapittel som karakteriserer bølgjer og opplyser ombølgjemålingar, som klassifiserer ulike typar av bølgjekraftverk, og som greier ut om prinsipp og tekniske metodar for energiomforming. Dei to neste kapitla tek føre seg økonomiske, miljømessige og sosio-økonomiske forhold vedrørande bølgjekraftverk. Før sluttkapitlet, som ser på framtidsutsiktene, er det fire kapittel om bølgjeenergiaktivitetane før og no i mange av kyststatane i verda. Kapittelvis er landa grupperte slik: Amerika og Oceania (medrekna Australia), Asia-Stillehavs-området, Nord-Europa,Sør-Europa med Afrika. Referansane, som det er mange av, er samla bak i boka. Forutan sakregister og ei lita ordliste er her også eit avsnitt med matematisk beskriving av havbølgjer og eit om bølgjeenergi brukt til framdrift av farty. Om forfattarskapen: På tittelsida av boka er forfattarskapen nemnt som "ENGINEERING COMMITTEE ON OCEANIC RESOURCES Working Group on Wave Energy Conversion (Chair: John Brooke, Vice-President, ECOR,)" Manuskriptet for boka er utarbeidt av ECOR Working Group on Wave Energy Conversion, som, med japansk sponsing, kom i gang med arbeidet i 1997 og fullførte det i 2003. Dei som har vore med i arbeidsgruppa, er: - Formann:* John Brooke, Vice-President, ECOR, Dartmouth, Canada. - Varaformann: * Teresa Pontes, Instituto Nacional de Engenharia e Tecnologia Industrial, Lisbon, Portugal. - Styringskomite: * Lars Bergdahl, Chalmers University of Technology, Göteborg, Sweden. * Johannes Falnes, Norwegian Univ. of Science & Technology, Trondheim, Norway. * Kenji Hotta, Nihon Univ., Chiba, Japan. * Tom Thorpe, Energetech Australia Pty., Randwick, Australia. - Medlemer: * Neil Bose, Memorial Univ. of Newfoundland, St. John’s, Canada. * George Hagerman, Virginia Tech Research Institute, Alexandria, USA. * Hideo Kondo, Coastsphere Systems Institute Co. Ltd., Sapporo, Japan. * Michael McCormick, U.S. Naval Academy, Annapolis, MD, USA. * M. Ravindran, National Institute of OceanTechnology, Chennai, India. * Zhi YU, Zhong Shan Univ., Guangzhou, China. - Sekretær: *Brian Nicholls, Bedford Institute of Oceanography, Dartmouth, Canada. - (Forutan sekretæren Nicholls, og redaktøren Brooke, er det Pontes, Bergdahl, Falnes, Thorpe og Hagerman som har arbeidt mest med forfattarskapen.)
Vis fullstendig beskrivelse