Falnes eller Skudenes? [: Om stadnamn lengst søraust på Karmøy.]

Falnes sokn er hovudsokna i Skudenes prestegjeld. Heilt på søraustspissen av Karmøy ligg Skude, som har namn etter gamalnorsk skúta (bergvegg som skyt fram). Skude er ytst på eit nes der gardane Falnes ligg, og det noverande bygdenamnet Skudenes har kanskje ein gong i tida vore brukt som namn på dette neset. I 1857 blei ladestaden Skudeneshavn skild ut frå heradet Skudenes. Artikkelen, som også nemner strandstaden Beiningen og nokre mindre bruk skilde ut frå garden Øvre Falnes ("prestagarden"), konkluderer med den hypotesen at det er sjøfarande som har funne på namnet Skudenes, og fyrst brukt det om neset som Skude ligg på. Men folk som har butt der, har kalla det Falnes. Etterkvart har så namnet Skudenes blitt knytt til eit større geografisk område og blitt eit bygdenamn, brukt meir av folk utanbygds enn innanbygds.