Sammendrag
Artikkelen presenterer nokre resultat frå ein analyse av tekstar der allmennlærarstudentar reflekterer over undervisningssituasjonar i grunnskulepraksisen. Tekstane dreier seg i utgangspunktet om KRL/RLE-faget, men i denne studien vert analysen ført vidare over i allmenndidaktiske perspektiv. Tilnærminga er henta frå fenomenologisk orientert kunnskapssosiologi og didaktiske danningsteoriar. Studien viser først og fremst at studentane i refleksjonstekstane ikkje greier å tileigne seg praktisk lærarkunnskap som eigen kunnskap. Grunnen til dette kan liggje i dei didaktiske relasjonsmodellane som er i bruk og som studentane direkte vert bedne om å bruke. Modellane har ein alvorleg mangel når ordet lærar vert halde utanfor. Vi lyt plassere læraren midt i modellen for å gjere det tydeleg overfor lærarstudenten og novisen at det er ein personleggjort praktisk kunnskap ho eller han skal utvikle. Eg føreslår ei presentasjonsform av slike modellar bygd opp kring teorien om relevanssystem. Om dette ikkje løyser alle problem, burde det i alle fall gjere det tydelegare kva modellane til sjuande og sist skal føre til for læraren: ein personleggjort syntese i ein reflektert handlingsteori.
Vis fullstendig beskrivelse