Tekstur og dekkval i biletsteganografi

Stenografi er teknikkar for hemmeleg kommunikasjon, der sjølve eksistensen av den hemmelege meldinga må haldast løynd. Ulike formar for steganografi er kjende sidan oldtida. I vår tid kan informasjon skjulast i bilete og multimedia ved å bruka enkle moduleringsteknikkar. Metodar for å oppdaga skjult informasjon kallar me for steganalyse. I dette arbeidet ser me på korleis eit skjønnsomt val av dekkbilete kan gjera stenografi vanskelegare å påvisa. Me ser på fordelinga av koeffisientverdiar i diagonalkomponenten frå ein wavelet-dekomposisjon. Dersom me modellerer fordelinga som ei generalisert normalfordeling, kan me bruka formparameteren β som eit mål for tekstur i biletet. Dekkval basert på β er imponerande effektivt for å oppnå upåviseleg stenografi.