Poliklinisk oppfølging etter fedmekirurgi

Fedmekirurgi gir betre helse og livskvalitet for pasientar flest, men kunnskapen om korleis behandlinga påverkar psykososiale helseaspekt er mangelfull. Integrering av kunnskap om psykisk helse er prioritert, men i liten grad omsett til praksis i fedmebehandling. Målet med forskingsprosjektet er å utforske psykososiale aspekt ved fedmekirurgi og oppfølging på fedmepoliklinikk. Forskingsspørsmålet er: Kva erfaringar har pasientar/fagpersonar med oppfølging på poliklinikk to/fem år etter fedmekirurgi? Forskingsdesignet er kvalitativt, med bruk av djupneintervju og individuelle intervju basert på video-observasjon, såkalla Interpersonal Process Recall (IPR) intervju. Pasientar og fagpersonar sine erfaringar kan gi ny innsikt i poliklinisk oppfølging og auka forståing for psykososial helse etter fedmekirurgi. Studiens resultat kan brukast i utvikling av praksis, slik at pasientar får best mogleg sjanse til å oppnå betre psykisk-, fysisk- og sosial helse.